JADEED SHINA QUAIDA.. جدید شینا قاعدہ

https://online.flippingbook.com/view/730446/

 

وا شینا تھون

آن بہ گہ سوس ݜیݨا مجا موری تھون بیس ݜیݨا مجا موری تھِگیس تو اَسیۓ باݜ مُشوٹ تَریجۓ بیس توم باݜیر مورکل گہ کَڇٹ تھیگیس تو  اَسیۓ باݜیٹ شت لَیجۓ ،جیک  رانیت سوس ۔مس دک چُھبیمُس  میۓ نُو مور سیۓ ہیٔر  اَچیۓ بے بییہ۔وا تو تین چُونے چُونے موری کڇٹ تھے  بیس توم ہیٔر بَٹھرون

دُو بَلو ٹَکلی

تھئے نوم جیک ہن

میئے نوم وسیم اللہ ہن

تو کونو ہنو

مہ بسینئے ہنوس

تھئے بابئے نوم جیک ہن

میئے باببئے نوم ہدایت اللہ اختر ہن

سو کیاک ڙارے ہَنیت

بے ڇے زارے ہنس

تھئے سیارے کیاک ہن

مئے ڇے سیارے ہن

تھئے بابوس جیک کوم تھین

مئے بابوس  بینکر نوکری تھین

تو کے کلاسیر ہنو 

مس اَجُو دسویں کلاسیۓ امتحان دوک ہنوس

تھئے تیاری جیک زلی ہن

مس بودی مشٹوک تھے پڑیگنوس انشا اللہ مشٹے نمبری گینی پاس بم

خداس تو کامیب تھوت

شو خدا یار

بان

اش اک موتی چگاک تھون۔ بانئے چگا مش بیئے نا کہہ تھیگا تو انے کھین بانو ہن جک سے بانی تھوک شروع

 تھیگن کوس ٹریکٹری گینی بینین تو نے کوس دونے گینی۔ٹریکٹر گینی بیین جکوٹ کھجین تھیگا تو رس ادے رانین کہ  تین 
انو وقت آرامئے آلون کوس دونے گینی سکرات بین دوموئو موتی نقصان انے گہ ہن کہ  سوری بوٹی مجا اک چھیچ گہ نے 

نکھان۔کھین گہ گیئے تو نے کوم گہ چھوپٹ نے نکھتو ایسکار ٹریکٹرئے بان اکی فائدہ ہن کوم گہ لوکو تو کھین گہ بچت۔

موتی کھینگر دونے گینی بان تھین جک سے ادے رانین کہ اش بلا جک بودے ارام طلب بیلین۔ تیار بیتی ٹکی اُڈرینین کوم 

تھوک جُر آٹینین ایسکار رس ادے چیزوٹ پسند تھینین کیسے مجا جیک گہ محنت تھوک نے بیئے۔ دوموئو ٹریکٹرئے بان

ئے نقصان انے ہن کہ پھال ببلا ببلا یایین کیسچ بے زمین مشٹوک بہ بیں کار تیار نے بین تو نے  فصل ضعیف وان۔رس انو 

مور گہ تھینین کی ٹریکٹر سے بان چکرٹو تھین چھوپی بوٹے نے اُکیجی فت بینین اَیچو بس دونے گینی بان تھونس۔ تو مئے 

زارے سوس جیک رانیت۔

تین مٹ اجازت خدا یار

شینا تصویری جملے